Семейлік оқушы EJOI-2024-те үздік нәтиже көрсетті

Абай облысының оқушысы информатика пәнінен EJOI-2024 еуропалық жасөспірімдер олимпиадасында  қола медаль жеңіп алды.

Елеулі жеңіспен келген оқушымыз - Арнұр Нұрғазин Семей қаласындағы физика-математика бағытындағы Назарбаев Зияткерлік мектебінде білім алады.

Екі күн бойы Молдовада өткен интеллектуалдық жарыста  әлемнің 50 мемлекетінен  200-ге жуық оқушы қатысқан. Қатысушылар күн сайын үш тапсырмадан орындап, оларға әр жинақ үшін төрт сағат қана уақыт берілген.        

Айта кетсек, аталмыш олимпиадада Қазақстан құрамасы 100% нәтиже көрсетіп, қоржынға төрт медаль салды.