Педагогикалық тәжірибе алмасу: ауыл мектептерінің болашағы

Бүгін Семейдегі NIS базасында Абай, Бесқарағай, Бородулиха, Көкпекті аудандарына қарасты тірек мектептерінің ұстаздары бас қосты. Бір күн бойы педагогтер мектебіміздің тәжірибелі ұстаздары әзірлеген сабақтарға, шеберлік сыныптарға қатысып, кәсіби құзыреттілігін дамытты.               

Сонымен қатар, өңірдің мектеп директорлары мен директор орынбасарларына оқу шаңырағымыздың директоры Наркен Буркенов, директордың орынбасары Нұрғазы Тұрсынғазин және шетелдік ұстаз Anifowose Omolaja Micheal Назарбаев Зияткерлік мектептерінің іс-тәжірибесімен бөлісті.         

Білім ордамыздың психолог мамандары қолайлы және қауіпсіз білім беруді ұйымдастыру барысындағы мектебіміздің тәжірибесімен бөліссе, кітапхана қызметкері оқушылардың оқу және ақпараттық сауаттылығын дамытудағы заманауи әдіс-тәсілдер жайлы толық ақпараттандырды.               

Аталмыш шара «Ауылды мекендегі тірек мектептерінің потенциалын арттыру» жобасының аясында ұйымдастырылуда.