WALS-2024: Семейлік ұстаздар халықаралық тәжірибе алмасуда            

Астана қаласында WALS-2024 сабақты зерттеуге машықтанған педагогтердің жаһандық жиыны өтуде. NIS Семей ұстаздары Нұрғазы Тұрсынғазин,  Анар Таяпбергенова, Алия Андакаева, Гульжан Мусина, Сания Исаханова, Динара Чкамбаева, Альбина Ишмухаметова және Анар Советова аталмыш халықаралық конференцияға қатысуда.

Әлемнің 27 елінен 700-ге тарта мұғалімнің басын қосқан жиын заманауи педагогикадағы стратегиялық тренд «Сабақты зерттеу: үздік оқу мен оқытуға ұмтылу» тақырыбына арналған. 

Ұстаздарымыз жаһандық жиын аясында әлемдік деңгейде мойындалған эксперттердің симпозиумдарына, постер сессияларға, шеберлік сағаттарына қатысып, тәжірибе алмасатын болады.

Айта кетейік, WALS конференциясы 2006 жылдан бері Сингапур, Жапония, Қытай, Ұлыбритания және басқа да мемлекеттерде ұйымдастырылып келеді.