Қазыналы қарттар ардақталды    

Семейлік NIS шаңырағында халықаралық қарттар күніне орай «Қария – ақылы теңіз дария» атты мерекелік іс-шара өтті. Жылы лебізге толы жүздесу барысында ардагерлеріміз ән шырқап, зияткерлік ойындарға белсене қатысты.

«Ұрпақтар сабақтастығы» жобасы аясында ұйымдастырылған шара әрқашан жастарымыздың ақылшысы, әрі жанашыры болып, даналығын бөлісуші ата-апалар мен сол тәлім-тәрбиенің бойына сіңіретін оқушыларымыз үшін үлкен маңызға ие.

Жиын соңында қарияларымызға арнайы концерттік бағдарлама ұсынылып, кәде сый да табысталды.

Сондай-ақ, ізгілі мол мереке қарсаныңда «Абыралы шаңырағы» арнайы Семей қаласындағы қарттар мен мүгедектерге арналған жалпы медициналық-әлеуметтік мекемесіне барып, ардагерлер қауымын құттықтады. Зияткерлер ардагерлеріміздің көңіл-күйін көтеріп, шағын сыйлықтарын тарту етті. Көпті көрген үлкендер жағы оқушыларға батасын беріп, алғысын жаудырды.