«A Million Dreams»: оқушылардың шығармашылық табыстары мен жүлдегері

28-29 қазан аралығында Шымкент төрінде NIS экожүйесіне кіретін 22 мектептің 286 зияткері шабыт пен өнер алаңында өз өнерлерін паш етті.

«A Million Dreams» атты желілік арт-фестивалінде шәкіртіміз Айя Нургазинаның туындысы «Үздік кескіндеме» номинациясында бас жүлде иеленді. Айя туындысында ерекше шеберлігін көрсетіп, терең концепциясымен дараланды. Мұнымен марапаттар қатары біткен жоқ.

Атап айтқанда:

• Мюзикл бағыты бойынша «Үздік актриса» номинациясын Зухра Икласова жеңіп алды.

• «Үздік сюжет» номинациясын арт-фото бағыты бойынша Раушан Русланқызы топ жарды.

Сонымен қатар, оқушылардың өнерге деген қызығушылықтарын шыңдап, фестивалге дайындағаны үшін Жанар Токенова Назарбаев Зияткерлік мектептері» ДББҰ-ның Басқарма төрағасы Әнуар Жанғозиннің Алғыс хатымен марапатталды.

Аталмыш жетістіктер білім ордамыздың дарынды шәкірттерінің шығармашылық әлеуеті мен еңбекқорлығын айқын көрсетті деп білеміз.