«NIS КЕЛБЕТІ» ЖУРНАЛЫНЫҢ ТАНЫСТЫРЫЛЫМЫ ӨТТІ

🌱✨ Қазақ тілі мен әдебиеті бірлестігінің апталығы аясында «NIS КЕЛБЕТІ» журналының таныстырылымы өтті.

🌱🏫 Мектеп тарихында алғаш рет жарық көрген журнал мектеп тыныс-тіршілігі, білім мен өнері тоғысқан шәкірттер жайында кең көлемде ақпарат беруді мақсат тұтқан. Сондай-ақ, сол көп ішінен топ жарған шәкірттердің жетістікке бастар жолы қамтылған.

🌱✨ Журналдың тұсаукесер рәсіміне мектеп ұжымы және оқушылар қатысты.

🌱📑 Журналдың лентасын мектеп директоры Айдын Тусупжанов және мектебіміздің қазақ тілі мен әдебиеті пәнінің мұғалімі Дидар Баяндиева қиды. Алғаш болып сөз алған Айдын Тусупжанов ұйымдастырушыларға шығармашылық еңбектері үшін алғыс білдіріп, ізгі тілегін жеткізді. Айдын Елеусізұлы өзі сатып алған журналдың 10 данасын мектеп кітапханасына сыйға тартты. Өз кезегінде Дидар Баяндиева әріптестерінің еңбегін жоғары бағалап, газет-журналың ұлт болашағы мен шәкірт тәрбиелеу жолындағы рөлін атап өтті.

🌱📃 Басылымда IELTS және SAT емтихандарынан жақсы нәтиже көрсеткен оқушылар өз тәжірибелерімен бөліссе, жас қаламгерлердің де туындылары журнал беттерінен орын тапқан.

🌱👇🏻 Алғашқы шығарылым 30 дана тиражбен жарық көрді. Бас редакторы – қазақ тілі мен әдебиеті пәнінің мұғалімі Гауһар Ортай. Ал редакция алқасының құрамы:

🌱👨🏻‍💻 «9 В» сынып оқушысы Дамир Абдуллаев – бас дизайнер, креатив үйлестіруші

🌱👨🏻‍💻 «9 В» сынып оқушысы Әділет Әлімбек – редактор-дизайнер

🌱👨🏻‍💻 «9 В» сынып оқушысы Мағжан Қасымхан – корректор-редактор

🌱👨🏻‍💻 «9 В» сынып оқушысы Санжар Абдукадир – корректор

🌱👩🏻‍💻 «9 D» сынып оқушысы Зиеда Дилмуратова – сұхбаттасушы

🌱👩🏻‍💻 «8 Е» сынып оқушысы Жансезім Утепберген – сұхбаттасушы

🌱👩🏻‍💻 «7 Е» сынып оқушысы Айана Бекмұрат – иллюстратор

🌱👩🏻‍💻 «7 D» сынып оқушысы Муслима Серқұл – иллюстратор

🌱👩🏻‍💻 «7 В» сынып оқушысы Аяулым Еліген - иллюстратор

🌱✨ Бұл шығарылым сұхбат, елтану, ұлттық код және қызықты айдарларымен толыққан.

🌱📃 Ұйымдастырушылардың пікірінше журнал тоқсан сайын шығып тұрады.