БЕЙІМДЕЛУ АПТАСЫ: ЕКІНШІ КҮН

Бүгін бір аптадан кейін 7-сынып оқушылары атанатын балалар мектеп кітапханасына саяхат жасады. Кітапхана қызметкерлері оқулықтармен таныстырып, «Book Dingo», «Book puzzle», «Танграм» ойындарын ұсынды.

Кураторлар мектептің ішкі тәртіп ережесі, академиялық адалдық туралы түсіндіріп, оқушыларды қорғау саясаты және «Домбыра» жобасы туралы мәлімет берді.

- Мектептің іші кең екен, көптеген қызықты бұрыштар бар. Әр күн қызықты болып жатыр. Тілдік пәндер бойынша да білім алып үлгеріп жатырмыз. Осындай мектепте оқитыныма қуанып жүрмін. Әрине, көптеген дайындық жұмсадым. Нағыз зияткер болу үшін тек қана оқудан жалықпау керегін білемін, ¬- дейді 7 С сынып оқушысы Айкөркем Мақсотова.