МЕКТЕПІШІЛІК АТА-АНАЛАР ЖИНАЛЫСЫ

Орал қаласы Назарбаев Зияткерлік мектебінде бір апта бойы мектепішілік ата-аналар жиналысы өтті.

Мектеп директоры Айдарбек Айтпукешов NIS желісіндегі тәрбие мен білімнің берілу ерекшелігін тілге тиек етіп, оқушылардың нәтижелеріне тоқталды. Ата-аналар қауымына зияткер қалыптастыру процесіндегі маңызды мәселелерді, ұстаз бен отбасының рөлін жеткізді.

Директордың оқу ісі жөніндегі орынбасары Айдар Сұлтанов академиялық адалдық тақырыбына таныстырылым жасап, сыртқы жиынтық бағалаудың қағидалары мен өткізілу тәртібі туралы сөз тарқатты. Ал директордың тәрбие ісі жөніндегі орынбасары Эльвира Айдыналиева мектептің ішкі тәртіп ережелері туралы түсіндіріп, оқушылар бойында қазіргі уақытта назар аударуды қажет ететін мәселелерді атап өтті. Сонымен бірге «KiVa» буллингіге қарсы бағдарламасы аясында атқарылатын жұмыстармен бөлісті.

Жиын соңы әр сыныпта, 7–12 сыныптарға жоспарланған ата-аналар жиналысына жалғасты. Кураторлар мектеп өмірінен мәліметтер беріп, алдағы жоспарлармен таныстырды.