АТА-АНАЛАР КОМИТЕТІНІҢ ТӨРАҒАСЫ ТАҒАЙЫНДАЛДЫ

Бүгін мектепшілік Ата-аналар комитетінің отырысы өтті. Жиынға әр сыныптан барлығы 39 ата-ана қатысты.

Алдымен, мектеп психологтері жаңа ата-аналарды ортамен таныстыру бағытында тренинг өткізді. Мектеп директоры Айдарбек Төлепұлы өткен жылы атқарылған істерге шағын шолу жасап, алдағы оқу жылының ерекшелігімен бөлісті.

Ата-аналар комитеті тарапынан да 2023-2024 оқу жылының жұмыстарына талдау жасалып, алдағы уақытқа жоспар бекітілді.

Жиналыста Ата-аналар комитетінің жаңартылған құрамы, жұмыс топтарының төрағасы, хатшысы және көшбасшылары сайланды. Білім ордамыздың ата-аналар комитетінің төрағасы Алтай Абайұлы бірауыздан алдағы оқу жылына да төраға ретінде тағайындалды. Сонымен бірге төрағаның үш көмекшісі бекітілді.