SAТ ЕМТИХАНЫНАН ҮЗДІК НӘТИЖЕЛЕР

SAT халықаралық емтиханынан жоғары ұпай жинаған зияткерлерімізді мақтанышпен назарға ұсынамыз.

12-сынып оқушылары Махамбет Өтепқали, Даурен Максутов, Назерке Досжанова, Адиль Сейдазымов және Марат Хусайнов SAT емтиханында шекті 1600 баллдан 1500-ден жоғары балл жинап, мектеп мерейін өсірді.

SAT (Scholastic Assessment Test) – бұл шетелдік университеттерге түсу үшін тапсырылатын стандартталған тест. Емтихан математикалық дағдыларды, сауаттылықты, логика әрі сыни тұрғыдан ойлау мен мәтінді талдау қабілетін бағалайды және ағылшын тілінде өтеді.

– Бұл емтихан жоғары дайындықты талап етеді. Мектебіміз беріп жатқан білімімізді қолданып, жоғары ұпай жинағанымызға өзіміз де қуанып жүрміз. Биылғы мектеп түлектері болғандықтан, жоғары оқу орындарын қарастыруды бастап кеттік. Аталған шағын жетістігіміз жарқын болашаққа жол ашады деп ойлаймыз, - дейді оқушылар.