ОРАЛ NIS: ҰСТАЗДАРДЫҢ ЖҰЛДЫЗДЫ КҮНІ

Орал қаласы Назарбаев Зияткерік мектебінде Мұғалімдер күніне орай мерекелік іс-шара өтті.

Салтанатты жиынға мектебіміздің ардагер ұстаздары және Ата-аналар комитетінің төрағасы Алтай Абайұлы және орынбасары Жанна Тельманқызы қатысып, ізгі тілектерін білдірді.

Мектеп директоры Айдарбек Төлепұлы, алдымен, ұстаздар қауымына ҚР Оқу-ағарту министрлігінің, БҚО әкімінің, облыстық және қалалық білім басқармасының, сондай-ақ «НЗМ» ДББҰ Басқарма Төрағасы және өз атынан дайындалған Алғыс хаттарды табыстады.

Марапаттар легі кәсіби мереке үшін арнайы әзірленген «Жұлдызды жұп» концерттік бағдарламасына ұласты. Шығармашылық тандемге ие ұстаздар мен шәкірттер жұп болып, өнер жарыстырды. Ән де, би де, күмбір күй мен қызықты қойылым да көрініс тапты. Барлық қатысушы жұптар бағаланып, әртүрлі номинацияларға ие болды.