МАШИНА ЖАСАУ БОЙЫНША ОЛИМПИАДА ЖҮЛДЕГЕРІ

Күні кеше Орал NIS-тің 11-сынып оқушысы Дана Тәжмұқан машина жасау бағыты бойынша республикалық олимпиаданың ІІІ орын иегері атанды.

Қазақстанда алғаш рет машина жасау бойынша олимпиаданы А. Сағынов атындағы Қарағанды техникалық университетімен бірлесе Қарағанды құю-машина жасау зауыты ұйымдастырды.

Олимпиаданың мақсаты – машина жасау саласындағы мамандықтарды дәріптеу, аталған бағытқа жастардың қызығушылығын арттыру.

Сайысқа еліміздің әр түкпірінен 12 оқушы қатысты. Олар 182 үміткердің арасынан онлайн іріктеу турнир арқылы таңдалды. Қатысушылар теориялық және практикалық дағдыларымен, химия, физика, өнеркәсіптік қауіпсіздік, сызу, материалтану, металлургия бойынша білімдері бойынша бақ сынасты. Сонымен қоса қазылар алқасы металды дәнекерлеу, бөлшек тораптарын құрастыру және басқару бағдарламасын әзірлеу қабілетін бағалады.

Болашақта машина жасау саласында қызмет атқаруды қалайтын оқушымыз Дана Тәжмұқан аталған байқауда үздіктер қатарынан көрініп, Apple MacBook-ге ие болды. Құттықтаймыз!

Жетекшісі: физика пәнінің мұғалімі Гульнара Кайдарова