ЖЕЛІЛІК АРТ-ФЕСТИВАЛЬДЕН АЛТЫ НОМИНАЦИЯ

Орал қаласы NIS желілік Арт-фестивальде алты бірдей номинацияны иеленді.

28-29 қазан күндері Шымкент қаласында «Назарбаев Зияткерлік мектептері» ДББҰ филиалдары арасында «A Million Dreams» арт-фестивалі өтті. Аталған байқау түрлі бағытта ұйымдастырылды. Қатысушылар екі күн бойы шығармашылық шеберліктерін шыңдады. Оларды елімізге белгілі актерлер, тәжірибелі мамандар және медианың танымал өкілдері бағалады. Нәтижесінде, біздің оқушыларды үздіктер қатарына лайық деп тапты.

Мектептің шығармашылық тобы «Үздік мюзикл» бағыты бойынша «Үздік музыка» номинациясын иеленді. Мюзиклді орындаушы оқушылар: Назерке Ғабиден, Жанель Қанатқали, Алтынбек Мәди, Меруерт Беимбет, Нұрсәт Пазыл, Надир Мажит, Тамерлан Шынболат, Айтуған Маратов, Рахман Тимирбулат, Дана Арыстанбекова, Аянат Әлен (жетекшілері: З. Тілепбергенова, А. Забесов, Ж. Мамедова, А. Тілеуғалиев).

«Үздік кескіндеме» бағытында – «Тақырыпты ашудың өзіндік ерекшелігі» номинациясын Илана Газизова лайық деп танылды (жетекшісі: Ж. Кулбекова)

«Үздік қолөнер» бағытында – «Қағаз өнері» номинациясына Амина Мереке (жетекшісі: Ж. Кулбекова), «Қыш құмыра өнері» номинациясына Арсен Құдайберген (жетекшісі: Н. Әміржанов), «Ағаш өнері» номинациясына Ерасыл Жүсіп (жетекшісі: А. Жұмағалиев) ие болды.

«Үздік арт-фото» бағытында – «Үздік ауыл пейзажы» номинациясын Ораз Қайыржан еншіледі (жетекшісі: Ұ. Серіков).

Айта кетейік, арт-фестивальдің шарты бойынша үздік жұмыстар жүлделі орындар арқылы емес, номинациялармен анықталды. Ендеше, өнер көгінде жұлдызы жанған оқушыларымызды құттықтаймыз! Сонымен бірге қолдау танытқан барша мектеп ұжымына алғыс білдіреміз!