Cоңғы қоңырау салтанатты жиыны өтті

Ақтау қаласындағы Назарбаев Зияткерлік мектебінде «Мектебім, саған мың алғыс!» атты соңғы қоңырау салтанатты жиыны өтті.

Мектепті 2023-2024 оқу жылында 802 оқушы аяқтады. Олардың ішінде 89 оқушы – биылғы жылдың түлектері.

Бүгінде олар білім мен ғылым кеңістігінде үлкен жетістіктерге қол жеткізіп, халықаралық және республикалық деңгейде мектеп абыройын асқақтатты. Қазіргі таңда 26 түлек шетелдің беделді жоғары оқу орныдарына шақырту алса, тағы 13 оқушы Назарбаев Университетінің білім гранттарын иеленді. 3 жас «Алтын белгіге» үміткер болса, 8 оқушы «Ерекше атестат» үміткерлері. Бітіруші түлектерді мектеп директоры Ринат Жумабаев құттықтап, ақ жол тіледі.

Мерекелік шараға бітіруші сыныптар, ұстаздар және ата-аналар қатысты. Салтанатты шара соңында «Түлектер аллеясында» жаңа тақта орнатылып, түлектер болашаққа хат қалдырды.