Жазғы олимпиадалық мектеп

Түрлі пәндерді тереңдетіп оқытатын дарынды балаларға арналған мамандандырылған облыстық мектеп-интернаты мен Ақтау қаласындағы Назарбаев зияткерлік мектебі бірігіп өткізген жазғы олимпиадалық мектептің оқу-жаттығу ауысымы сәтті аяқталды.

5 күнге созылған ауысымға жаратылыстану-математикалық және қоғамдық-гуманитарлық пәндер бойынша 7-8 сыныптың 70 оқушысы қатысты. Олимпиадалық резервтегі оқушыларды НЗМ және ОМИ-ның мұғалімдері мен олимпиада жүлдегерлері оқытты.

Лагерь форматындағы ауысым барысында оқумен қатар, белсенді демалыс ұйымдастырылды. Бес күн оқушылар арасындағы өзара сенімді қарым-қатынастың орнауына, бірігіп дайындық жасауға жақсы әсер етті.

Оқу-жаттығу ауысымының соңғы күні жетекшілер мен оқушыларға алғыс хат пен сертификат табысталды.