«Caspian Start-Up – 2024»

Ақтау қаласындағы Назарбаев Зияткерлік мектебінде халықаралық «Caspian Start-Up – 2024» халықаралық байқауының қорытындысы шығарылды.

Финалдық турға қатысушылар «Экологиялық мәселелерді шешудегі инновациялық идеяларға» IT-стартаптарды ұсынды. Конкурсқа барлығы 215 жобадан өтініш келіп түссе, ақтық кезеңге ең үздік 16 жоба іріктелді.

Жеңімпаздарға 150.000 теңге, 125.000 теңге, 100.000 теңге көлемінде қаржылай жүлделер табысталса, үздік жоба авторларына Қазақстандағы жоғарғы оқу ордаларының білім гранттары тағайындалды.
- Жоба жыл сайын өз нәтижесін беріп келеді, болашақта осындай байқауларға көп көңіл бөлінсе дейміз. Өйткені елімізде IT саласы қарқынды дамуда, бәсекелестік жоғары,- Ақтаудағы Зияткерлік мектеп директоры Ринат Жұмабаев

«ResQ» жобасын қорғаған ақтаулық зияткерлер Индира Дуйсембаева, Ұмай Сайын, Наргиза Нұрмұхан, Камила Қуатова, Фариза Ғинулла «Caspian Startup-2024» халықаралық байқауында жеңіске жетті. Сондай-ақ, Ш.Есенов атындағы Каспий мемлекеттік технологиялар және инжиниринг университетінің толық грантын жеңіп алды.

«Tazalyq» жобасын ұсынған Оралдағы NIS командасы Махамбет Өтепқали, Нұрсұлтан Зинуллин, Айдана Тулегенова, Әнел Убишова, Наргиза Ерболатова жүлделі екінші орынды иеленді.

Қола жүлдені «Q-Agro» жобасы алды. Авторлары қызылордалық оқушы Асылжан Абдулла, Ақтау NIS зияткері Мадина Абдулла, Қызылордадағы Білім Инновация мектебі дарыны Дархан Аширапқа Қазақстан-Британ техникалық университеті гранты берілді.

Астанадағы NIS IB «Agri Mo» жобасы Әлішер Орынбай , Маулет Сеитов, Айлин Нурашева, Әділет Аусарбеков, Алиамир Құрманғазы, қостанайлық NIS командаcы «UnPerfect» Нұрдәулет Игенов, Амирали Избаир, Нұрай Ержан ҚБТУ гранттарын иеленді.

Түркменстан Республикасынан қатысқан Ширмырат Сапармырадовмен Ораз Аннагулыйеваға М.Нәрікбаев атындағы Қазгюу университеті гранты табысталды.
Ақтаулық «Eco clean box», Оралдағы NIS-тен «LARVA» жобаларына Ш.Есенов университеті гранттары берілді.
Байқаудың демеушілері «Ozimiz.kz» IT холдингі шымкенттік командаға 100.000 тг көлемінде қаржылай сыйлық берді. Сонымен қатар, 50.000 тг көлемінде ынталандыру сыйлықтары Алматыдан келген команда «FilterAirN» және түркістандық «Afeya» командасына берілді.