Оқушылар халықаралық «Туймаада» олимпиадасының жеңімпазы атанды

Ақтау қаласындағы Назарбаев Зияткерлік мектебінің оқушылары Дамир Нурланов, Азамат Жолжан халықаралық «Туймаада» оқушылар олимпиадасының жеңімпаздары атанды.

Халықаралық «Туймаада» оқушылар олимпиадасы 2024 жылдың 5-6 шілде күндері математика, физика, химия және информатика пәндері бойынша онлайн және оффлайн форматында өтті.

Дамир Нурланов олимпиадаға математика пәнінен қатысып, күміс жүлдеге, Азамат Жолжан информатика пәнінен қатысып, қола жүлдеге ие болды.

Олимпиаданың негізгі мақсаттары мен міндеттері оқушылар мен жастардың зияткерлік әлеуетін дамытуды ынталандыру, іргелі ғылымдармен айналысуға тарту, халықаралық ынтымақтастық пен қарым-қатынас нысандарын кеңейту болып табылады.