Ақтаудағы Назарбаев Зияткерлік мектебінде алғашқы қоңырау соғылды

Салтанатты жиында «Өркен» білім беру грантының иегері атанған 120 оқушы зияткерлер қатарына қосылды.

Мектеп директоры Ринат Жумабаев мерекелік шарада ұстаздар, оқушылар және ата-аналарды жаңа оқу жылымен құттықтап, жаз бойы түрлі жарыстарға қатысып жүлделі орын алған зияткерлерді марапаттады.

2024-2025 оқу жылының алғашқы қоңырауын соғу құрметіне іріктеу емтиханында ең жоғары ұпай жинаған оқушылар 7 «В» сынып оқушысы Жұмалы Насухан және 7 «F» сынып оқушысы Линара Маджикова ие болды.