Маңғыстауда зорлық-зомбылықтың алдын алу бойынша оқу семинар-тренингі басталды

Маңғыстау облысының «Отпан» жобасы аясында бекітілген 45 мектептің мамандары үшін «Балалардың зорлық-зомбылық жағдайларының алдын алу және дағдарыстық көмек» бағдарламасы бойынша оқу семинар-тренингі бастау алды.

«Отпан» жобасы аясындағы семинар-тренингке мектептердің тәрбие ісі жөніндегі орынбасарлары, психолог, әлеуметтік педагог қатысуда.

Іс-шараның мақсаты – мектеп директорларының орынбасарлары, мектеп психологтары мен әлеуметтік педагогтардың балаларға қатысты зорлық-зомбылықтың алдын алу және дағдарыстық көмек көрсету саласындағы кәсіби дайындықтарын арттыру.