Ақтаудағы NIS оқушылары мереке қарсаңында қарияларды қуантты.

1-қазан қарттар күніне орай «Қоғамға қызмет» жобасы аясында «Мейірім өскіні» ұйымының еріктілері және жатақхана тәрбиеленушілері, «Болашақ» тобы оқушылары және ата-аналары, тәрбиешісі, қоғамға қызмет жобасының координаторы, сондай-ақ педагог ұстаздар - № 2 Арнаулы әлеуметтік қызметтер көрсету орталығының қарияларына арналған «Қарттарын қадірлеген ел ардақты» атты шара өткізді.

Оқушылар мерекелік шара барысында ән, күй, жыр-терме, биден концерттік бағдарлама және шахмат, тоғызқұмалақ, сурет салу, квиз, жасырын әнді табу секілді шеберлік сағаттарын өткізіп, қарияларға тамаша көңіл-күй сыйлады.

Қарияларға жатақхана тәрбиеленушілерінің ата-аналары тарапынан тәттілер және «Қоғамға қызмет» қайрымдылық қорынан шахмат және тоғызқұмалақ тақталары сыйға тартылды. Шара барысында адамгершілік, құрмет, еңбекқорлық пен шығармашылық құндылықтары ерекше дәріптелді. Қариялар өткен шараға риза болып, оқушыларымызға алғыстарын айтып, батасын берді.