Футзалдан Қазақстанның ұлттық құрамасы келді

Ақтау қаласындағы Назарбаев Зияткерлік мектебіне мини-футбол жұлдыздары, футзалдан Қазақстанның ұлттық құрамасы келді Алғаш рет мектебімізге қонақ болып футзалдан Қазақстанның ұлттық құрамасының бас бапкері Пауло Рикардо Фигейро Силва (КАКА), футзалдан «Каспий» клубының бас бапкері Дінмұхамбет Сүлейменов және мини-футбол жұлдызы Біржан Оразов келіп, зияткерлермен кездесті. Мини-футбол жұлдыздары мектебімізге арнайы ат басын бұрып, Зияткерлік мектептің тыныс-тіршілігімен танысып, балалармен ашық сұқбат өткізді. Ал футзалдан Қазақстанның ұлттық құрамасының бас бапкері КАКА «ХББ Ақтау» клубы футболшыларына шеберлік сағатын жүргізді. Шеберлік сағаты қысқа болғанымен, футбол сүйер оқушылар үшін үлкен тәжірибе болды. Ұлттық құрама ойыншылары ашық алаңда оқушыларды қызықтырған сұрақтарға жауап беріп, естелікке қолтаңба қалдырды. Өз кезегінде мектеп атынан келген қонақтарға алғыс хат пен зияткерлер дайындаған сувинерлік бұйымдар сыйға берілді. Айта кетейік, ФИФА әлемдік рейтингісінде Қазақстан құрмасы 2021 жылдың 25 қыркүйегіне сәйкес 3-ші орынмен әлемнің үздік үштігіне кіреді.