"Халықаралық серіктес мектептер" жобасы аясында Colaiste Feirste орта мектебімен бірлескен химия пәні сабағы өтті

«Назарбаев Зияткерлік мектептері»ДББҰ "Халықаралық серіктес мектептер" жобасы аясында Ақтау қаласындағы химия-биология бағытындағы Назарбаев Зияткерлік мектебі Ұлыбританияның Белфаст қаласындағы Colaiste Feirste орта мектебімен бірлескен химия пәні сабағын өткізген болатын. Ең бірінші сабақ кезінде екі тарап өз елі мен мектеп өмірін таныстырып, пікір алмасты. Химия кабинеттерінің жасақталуы мен оқу бағдарламасындағы өзгешеліктер де екі жақтың бірлесіп жұмыс істеуіне арқау болды. Сабақтың тақырыбы мен мақсаттарына сәйкес түсіндіру жұмыстары мен тапсырмалар орындалды. Химия пәні мұғалімдері Шадқам Тойбибі және Mohamed Elshikh сабақтың өз мақсатына жеткендігін және екі мектеп оқушылары арасында жоғары дәрежеде ықпалдастық ұйымдастырылғандығын айтқан болатын. Келесі кездесу кезінде осы оқу жылына арналған бірлескен жұмыс жоспары құрылатындығын айтып, бірқатар шараларды ұйымдастыратындығын айтты.