Ақтаудағы NIS “Үздік әлеуметтік бейнеролик” номинациясының жеңімпазы атанды

Назарбаев Зияткерлік мектептерінің «A Million Dreams» желілік арт-фестивалінде Ақтау қаласындағы NIS оқушыларының жұмысы «Үздік әлеуметтік бейнеролик» номинациясында бас жүлдеге ие болды.

Жеңіске жеткен бейнероликті дайындауға Балгабеков Еркебұлан, Нұрмұхамет Қарақат, Кенжебай Аяулым және Әмір Нұржан үлес қосты.

Сонымен қатар:

✅ “Үздік пейзаж” номинациясын арт фото бойынша – Серік Гүлдариға жеңіп алды

✅ “Үздік шеберлік” номинациясында графика бағыты бойынша – Ұбайдолла Қадыржан топ жарды

✅ “Ғажап жіптер” номинациясында қолөнер туындыларымен – Конисбаева Назерке, Конисбаева Арайлым және Мергенбек Малика үздік деп танылды

Сонымен бірге, мюзикл дайындаған хореограф Үлбір Саматқызы Назарбаев Зияткерлік мектептері басқарма төрағасы Әнуар Жанғозиннің алғыс хатымен марапатталды.

29 қазан күні Шымкенттегі химия-биология бағытындағы Назарбаев Зияткерлік мектебінде «A Million Dreams» желілік арт-фестивалі өз мәресіне жетті. Шабыт пен өнер алаңында NIS экожүйесіне кіретін 22 мектептен 286 оқушы бақ сынады.