«Қазақстан Мұғалімі» Ұлттық Сыйлығының 50 финалисі қатарында Жаннұр Мауытова

Зияткерлік мектептердің 6 педагогі «Қазақстан мұғалімі» Ұлттық сыйлығының финалына шықты

2024 жылғы «Қазақстан Мұғалімі» Ұлттық Сыйлығының 50 финалисі қатарында Ақтаудағы Назарбаев Зияткерлік мектебінің қазақ тілі мен әдебиеті пәні мұғалімі Жаннұр Мауытова бар.

Елордада 21-23 қараша күндері «Әлемдік білім апталығы» өтеді. Іс-шара аясында 2025 жылы Global Teacher Prize-да елімізді таныстыратын «Қазақстан мұғалімі» ұлттық сыйлығының 10 финалисі марапатталады.

Биыл беделді марапатқа еліміздің барлық өңірінен 2200-ден аса педагог үміткер болған. Бірінші кезеңде Тәуелсіз Судьялар Академиясы үздік 50 ұстазды таңдап алды.

Қазір екінші кезең өтіп жатыр. Сарапшылар 2025 жылы Қазақстаннан «Әлем мұғалімі» жаһандық сыйлығына ұсынылатын 10 финалисті анықтайды. Бірінші кезеңнен сәтті өткендер қатарында Назарбаев Зияткерлік мектептерінің 6 педагогі бар.