Ақтаудағы NIS оқушылары облыстық пікірсайыс турнирінде жеңімпаз атанды

Ақтау қаласындағы NIS оқушылары - Мұрат Абдірахим мен Жаппар Абдурахим Маңғыстау облысының оқушылары арасында өткен пікірсайыс турнирінде І орын иеленді.

Бұл шара Маңғыстау облысының жастар саясаты мәселелері жөніндегі басқармасының қолдауымен “Рухтан” қоғамдық қорының ұйымдастыруымен өткізілді. Турнирдің мақсаты – оқушылар арасында облыстық пікірсайыс қозғалысын дамыту және қолдау, жасөспірімдердің сыни ойлау, шешендік өнер, қоғамдағы маңызды мәселелерге қатысты пікір білдіру дағдыларын жетілдіру.

Сонымен қатар, Жаппар Абдурахим “Ең үздік спикер” номинациясын жеңіп алды, бұл оның турнирдегі ерекше шешендік қабілетін айғақтайды.