Ақтаудағы NIS ата-аналар комитетінің өкілі ата-аналар Кеңесінің отырысына қатысты

Ақтаудағы NIS ата-аналар комитетінің өкілі Курмамбаева Гулжан Сисенбаевна елордада өткен «Назарбаев Зияткерлік мектептері» ДББҰ Басқарма Төрағасы жанындағы ата-аналар Кеңесінің екінші отырысы жайында өз пікірімен бөлісті.

«Біз отырыс барысында ата-аналар мен оқушылардың қажеттіліктерін ескеруге бағытталған 2035 жылға дейінгі NIS-тің кезеңді даму стратегиясымен таныстық.

Бұл бағытта біз - ата-аналар ретінде өз жауапкершілігімізді сезініп, мектеппен бірлесіп жұмыс істеуге дайын болуымыз қажет. Баршаға ортақ мақсаттарға жетуде мектеп пен ата-аналардың ынтымақтастығы өте маңызды», – деді Курмамбаева Гулжан Сисенбаевна.

Ата-аналар Кеңесінің екінші отырысында көтерілген мәселелер мен ұсыныстар білім беру жүйесінің тиімділігін арттыруға бағытталды.

Жалпы, оқушылардың арасындағы психологиялық ахуалды жақсартуға және өзара сыйластықты нығайтуға ықпал ететін «Назарбаев Зияткерлік мектептері» ДББҰ қабылдаған көптеген бағдарламалар ата-аналар тарапынан оң бағаланды.