Назарбаев Зияткерлік мектебінің оқушылары Digital Almaty халықаралық форумына қатысты

Ақтау қаласындағы Назарбаев Зияткерлік мектебінің оқушылары Digital Almaty халықаралық форумына қатысты. Жыл сайын өткізілетін Digital Almaty халықаралық форумы – бұл бизнес өкілдерінің, халықаралық сарапшылардың, IT-қоғамдастықтың, мемлекеттік органдар мен БАҚ өкілдерінің қатысуымен өтетін Алматыдағы ең ірі Tech-іс-шара. Форумға қазақстандықтардың өмір сүру деңгейін арттыруға арналған жобалар қабылданды. Оған барлығы мектеп оқушылары жасаған 21 инновациялық жоба қатысты. Қатысушылар облыстық байқауларда бірнеше іріктеу кезеңінен өтіп, республикалық байқауларда түрлі номинацияларда топ жарған оқушылар. Техникалық жетістіктер көрмесіне Qmeta және QarapaiymEmdeu жобаларымен NIS оқушылары форумда бой көрсетті. QarapaiymEmdeu жобасының авторлары Данил Мухалев, Ұлан Айтбай және Камила Куатова. Qmeta виртуалды платформасының авторлары Айсұлтан Бақтығали, Расул Абуов және Нұргелді Есенгелді. Екі топтың жетекшісі информатика пәнінің мұғалімі Мәди Медет.