Сәлем саған, Алтын ұя мектебім!

Бүгін Талдықорған қаласының Назарбаев Зияткерлік мектебінде жаңа оқу жылының басталуына арналған салтанатты іс-шара өтті.

Биыл 152 оқушы кешенді тесттен жоғары нәтижеге қол жеткізіп, «Өркен» білім грантын иеленді.

82 түлек республиканың және шетелдік үздік университеттерінде оқуға шақырту алды: олардың 26-ы Назарбаев университетінің студенті атанса, 18 түлек Америка, Ұлыбритания, Италия, Венгрия, Қытай, Корея, Гонконг университеттеріне оқуға түсті.

Алғашқы қоңырау салтанатты жиыны Ілияс Жансүгіровтің, Тұрар Рысқұловтың, Сәкен Сейфуллиннің туғандарына 130 жыл, Жүсіпбек Аймауытовтың туғанына 135 жыл, Әбілхан Қастеевтің туғанына 120 жыл сонымен қатар Қазақстан жазушылары одағының құрылғанына 90 жылдығы аясында өткізілді. Мерейлі жыл еліміздің игілігі үшін маңызды.

Дәстүр бойынша жазғы кезеңде түрлі конкурстар мен олимпиадалардың жеңімпаздары мен жүлдегерлері атанған оқушыларды марапаттау рәсімі өтті.

Сонымен қатар, бүкіл мектеп қоғамдастығы үшін жобалар аллеясы ұйымдастырылды, онда жас ғалымдар өздерінің ғылыми жаңалықтарын таныстырды.