Пікірталас қозғалысын дамыту

Талдықорған қаласындағы Назарбаев Зияткерлік мектебінде облыстың жалпы білім беретін мектептерінің пікірталас клубтарының жетекшілеріне арналған семинар-практикум өтті. Іс-шара "OzgerTeam" қоғамдық қорымен бірлесіп ұйымдастырылды.

Семинар пікірсайыс бойынша ұлттық жаттықтырушы, NIS Талдықорған қазақ тілі мен әдебиеті мұғалімі Гүлминур Иманбаева мен халықаралық жаттықтырушы Гауфария Ахметованың жетекшілігімен өтті.

Пікірталас алаңында Халықаралық мектеп форматы (WSDF) аясында пікірталас ұйымдастырудың жаңа әдістері талқыланды.

Катысушылар пікірталас технологиясының жаңа әдістерін біліп, жаңа клубтарын құру бойынша теориялық білімдерімен және практикалық тәжірибелерімен алмасты.

Айта кетейік, жақын арада Талдықорған NIS базасында оқушылар арасында облыстық турнир өтеді.